Kryeministri Edi Rama ndodhet në Skoci ku do të marrë pjesë në samitin për ndryshimin e klimës.
Kreu i qeverisë shqiptare është takuar dhe ka konsumuar një kafe me presidentin serb, Aleksandër Vuçiç dhe foto nga ky moment ka shpërndarë në rrjetet sociale vetë kreu i shtetit të Serbisë.
Në postimin e tij bashkangjitur fotos me Ramën, Vuçiç shkruan:
“Mbështetje e fortë për Ballkanin e Hapur.
A duhet ta mbajmë apo ta shtyjmë takimin në Beograd, duke pasur parasysh ngjarjet në Shkup? Me @ediramaal në Glasgow”.
Vuçiç i referohet kështu dorëheqjes një ditë më parë të kryeministrit të Maqedonisë së Veriut, Zoran Zaev, pas rezultateve të dobëta në zgjedhje./m.j
