Gjyqtari Artan Gjermeni, i gjykatës së Tiranës është plagosur këtë mbrëmje të së dielës, në rrethana ende të paqarta. Mësohet se gjyqtari ndodhet në Spitalin e Traumës në kryeqytet ku po mer dhe mjekimin.
Por në njoftimin paraprak të policisë thuhet se Gjyqtari pretendon se është prerë aksidentalisht nga një mjet metalik i tipit llamarinë në shtëpinë e tij. Problemi qëndron në faktin se raportimet saktësojnë se ai është i plagosur në bark, shpatull, ije dhe këmbë.
Por vetë Gjermeni ka pohuar para oficerëve se ka qënë duke punuar ne garazhin e shtëpisë së tij nga ku ka marrë plagët e llamarines në disa pjesë te trupit.
Pavarësisht kësaj hetimet kanë nisur edhe për pista të tjera.
Gjermeni, gjyqtari që dënoi Aldo Baren dhe që shpetoi Fullanin
Artan Gjermeni ka qenë në vitin 2014 përfaqësuesi i Këshillit Drejtues në Shkollën e Magjistraturës. Ai gjithashtu ka qenë pjesë e Këshillit të Lartë të Drejtësisë dhe njëri ndër pjesëtarët e vendimit të pafajësisë së ish-guvernatorit Ardian Fullanit. Ai ka qenë gjithashtu pjesë edhe treshes së trupit gjykues që shpëtoi një vit më parë, nga burgu i përjetshëm Kostandin Xhuvani. Gjermeni ka qenë edhe pjesëtar i trupit gjykues që dha dënimin për kreun e bandës së Lushnjes Aldo Baren.
