Ka dalë para KPK-së, ditën e sotme, për të zhvilluar seancën dëgjimore, gjyqtari i Gjykatës së Tiranës, Bledar Abdullai. Trupi gjykues drejtohet nga Genta Tafa (Bungo), Pamela Qirko dhe Suela Zhegu.
Në lidhje me pasurinë ILDKPKI ka dorëzuar një raport më konstatimin se deklarimi nuk është i saktë dhe në përputhje me ligjin. Nga hetimet është konsatuar se prindërit e zotit Abdullai janë investitorë të një fondi në një bankë të nivelit të dytë, bashkëshortja e tij, për vitet 2014-2015, ka evidentuar pasuritë veçmas, por pa deklaruar asnjëherë se çfarë dispononte.
Pikat që mund të cënojnë gjyqtarin Abdullai janë pasuria me mungesë burimesh të ligjshme e bashkëjetueses, mungesa e llogarive bankare deri në vitin 2016, vonesa në dhënien e vendimeve dhe lirimin e një të burgosuri të kapur me drogë, të cilin Apeli e ktheu në burg shkruan Shqiptarja.
Si pasuri tijën, Abdullai ka deklaruar: një apartament në Berat 12 mijë eurosh me sipërfaqë 59 m2; pasuri në Kutalli, fituar me ligjin 75001, pasuri për të cilat ka deklaruar si burim të ardhurash, pagën dhe përfitimet juridike.
Ndërsa bashkëjetuesja ka deklaruar si pasuri të saj, të cilën e ka shkëmbyer me motrën: apartament dhe garazh në Tiranë me vlerë 103 mijë euro, zyrë me vlerë 84 mijë euro, një apartament në Golem me vlerën e 67 mijë eurove dhe një automjet me vlerën e në milion lekëve në bashkëpronëse me gjyqtarin. Nga analiza financiare, është konstatuar se bashkëjetuesja ka mungesë të burimeve financiare të ligjshme.
Përsa i përket pastërtitë së figurës, gjyqtari ka shkelur afatet në gjykimet e çështjeve duke zgjatur më shumë se 1 vit e gjysëm disa çështja civile dhe duke dhënë masën “arrest shtëpie” për një të arrestuar me drogë. Për këtë çështje , ndërhyri Apeli duke e kthyer në burg.
Gjatë fjalës së tij gjyqtari Avdullai u shpreh se ILDKPI nuk e kishte njoftuar se duhej të dorëzonte formularët e pasurisë për bashkëjetuesen./a.m.
