TIRANË- Pas shtyrjes së fundit të seancës gjyqësore, në ambjentet e Gjykatës Penale është zhvilluar përballja e radhës Balla-Basha.
Gjatë seances, gjyqtari Gerdi Hoxha ka pyetur avokatët e Bashës, Gazment Bardhi dhe Ivi Kaso mbi personin që i ka dhënë informacionin Bashës për përfshirjen e Taulant Ballës në çështjen e Toyota Auris.
Pyetjes së gjyqtarit Bardhi i është përgjigjur se kreu i PD-së nuk do ta tregojë burimin por se informacioni ishte i saktë.
“Informacioni ishte i saktë dhe kjo u provua. E pranon dhe Balla në kallëzimin e tij se Basha është informuar nga një burim i besueshëm pjese e hetimit.”, tha Gazmend Bardhi, avokat i Bashës
Si kundërpërgjigje ndaj mbrojtjes së Bashës, Balla thotë se me këtë logjikë i bie që e kam informuar unë pasi kallëzimi është pas deklaratave të tij
“Të dënohet Basha për këtë shpifje. S’kam asnjë lidhje as me paratë e as me kriminelët. S’kam dhënë e s’jap garanci për asnjë delikuent. Prokuroria e Tiranës ka regjistruar procedim penal ndaj Bashës për tregtim të informacioneve sekrete“, tha Balla
Kësaj deklaratë i është përgjigjur avokati dhe eksperti ligjor në PD, Gazment Bardhi: Kjo është e pavërtetë. Ndaj Bashës nuk ka asnjë procedim. Ai ka dhënë deklarime në Prokurori dhe ka treguar gjithçka di.
Seanca e radhës mes të dyvë është vendosur data 18 dhjetor.
a.çupaj
