Gjykata e Krimeve të Rënda pritet të shtyjë vendimin përfundimtar për grupin e imamëve të vetëdeklaruar të cilët akuzohen për rekrutim të njerëzve në luftën në Siri. Aryseja e shtyrjes së vendimit vjen pasi mungon njëri prej të pandehurve.
Por pavarësisht kësaj, seanca ka vijuar dhe fjalën e ka marë njëri prej të akuzuarve, Geti Pashja, i cili hodhi akuza drejt qeverisë dhe kryeministrit Edi Rama, duke mos lënë jashtë po ashtu edhe Komunitetin Musliman.
“Më kanë bërë presion që të njoh KMSH si institucion. Kjo është një luftë e hapur ndaj fesë islame. Nuk dua të përfaqësohem nga avokati që më keni caktuar. Rama të mos lavdërohet se po lufton terrorizmin. Për kë terrorizëm flet Rama, bombat që vihen në Tiranë? Për kë terrorizëm flet Rama apo për vrasësit me pagesë? Na dënoni për t’i bërë qejfin Amerikës, që nuk iu jep viza. Amerika nuk duhet të ndërhyjë në çështjen tonë”, tha Pashja.
Por kjo kërkesë është hedhur poshtë nga trupi gjykues.
