Ish-shefi i Shtabit të Përgjithshëm të Ushtrisë Çlirimtare të Kosovës dhe njëri nga themeluesit e saj, Azem Syla, është i ftuari i radhës nga Gjykatas Speciale në Hagë. Këtë e ka bërë të ditur për Telegrafin, avokati i tij mbrojtës, Besnik Berisha.
“Po ka marrë ftesë për intervistim”, tha ai.
Po sot edhe ish-eprori i lartë i Ushtrisë Çlirimtare të Kosovës dhe ish-agjenti i SHIK-ut, Naim Miftari, ka konfirmuar se ka marrë ftesë nga Gjykata Speciale
Ai është ftuar nga Tribunali Special në cilësinë e dëshmitarit dhe do të intervistohet për tri ditë rresht në Hagë.
Miftari ka deklarauar se nuk e ka problem edhe po të intervistohet në cilësinë e të dyshuarit, pasi luftën e UÇK-së e vlerëson të drejtë
Ndërkohë numri i personave të ftuar deri më tani nga Gjykata Speciale ka arritur të kalojë shifrën 100, teksa pjesë e intervistimeve ishin edhe figurat e rëndësishme të skenës politike në vend, si: kryeministri në detyrë Ramush Haradinaj, ish-komandanti i Zonës Operative të Llapit, Rrustem Mustafa dhe ish-komandanti Sami Lushtaku, e të tjerë.
