Anëtarja e Gjykatës Kushtetuese, Vitore Tusha hodhi sot poshtë si të pavërteta njoftimet e publikuara dje në disa media se ambasada e SHBA-së në Tiranë i ka revokuar asaj vizën, bashkë me një numër gjyqtarësh dhe prokurorësh shqiptarë.
Sipas njoftimit te publikuar ne faqen e kesaj Gjykate, gjyqtarja Tusha i bën me dije mediave dhe opinionit publik se lajmet e përhapura në kronikat televizive dhe të reflektuara edhe në gazeta e portalet on line lidhur me personin e saj janë të pavërteta.
Gjithashtu, gjyqtarja Tusha bën me dije se që nga viti 2010 nuk ka aplikuar asnjëherë për vizë amerikane dhe nuk ka qenë poseduese e vizës amerikane. Po ashtu, që prej këtij viti nuk ka pasur asnjë komunikim apo kontakt me Ambasadën e Shteteve të Bashkuara për çështje vizash, qoftë personale apo familjare, përfundon njoftimi./a.k
