“Vrasësi kapet nga policia sepse vrau, por gjykatësi tha e lirojmë se nuk ka prova, ai del nga burgu dhe vret sërish. Tani si ta kuptojmë këtë gjykatës ne?”
Ky ishte një prej shembujve që kryeministri Edi Rama dha në auditoret e Universitetit të Shkodrës përballë studentëve mbi Reformën në Drejtësi.
Sipas kreut të qeverisë, është e pafalshme që të qëndrojnë në krye të detyrës gjykatës me 18 apartamente e pasuri që nuk i justifikojnë me pagat që kanë marrë ndër vite. Ai tha sot se reforma në Drejtësi do të ndikojë edhe në rritjen ekonomike të vendit. /b.d
