Me kërkesë të prokurorisë së Tiranës, gjykata ka vendosur të zgjasë hetimet për çështjen CEZ me një afat tre mujor.
Vendimi ka ardhur nga gjykatësi i hetimeve paraprake, Lazër Sallaku, pasi sipas tij nevojitet dëshmia e Nuel Kalajt, i cili nuk është pyetur për çështjen. Prokurorët kanë dërguar një letër porosi në Francë dhe Kosovë për dëshminë e tij shkruan BW.
Nuel Kalaj konsiderohet si dëshmitar kyç për çështjen, pasi ka negociuar për privatizimin e OSSH tek ceket e CEZ.
Hetimet për çështjen CEZ nisën nga prokuroria e Tiranës kohë më parë, e cila vendosi mbylljen e çështjes, por vendimmarrja u kthye mbrapsht nga gjykata.
Privatizimi i OSSH u shndërrua në objekt hetimi nga një komision hetimor parlamentar, në përfundim të të cilit socialistët deklaruan se buxhetit të shtetit iu shkaktua një dëm me vlerë 414 milionë eurosh. Sipas socialistëve procesi i privatizimit ishte fiktiv dhe fituesi ishte i paracaktuar.
