Një gjykatë në Stamboll ka lëshuar një urdhër për mbylljen e gazetës turk pro-kurde “Ozgur Gundem”, për gjoja se është përfshirë në propagandë terroriste.
Gjykata ka thënë se kjo gazetë ka vepruar si një organ medial i Partisë së Punëtorëve të Kurdistanit (PKK), raporton AP, përcjell Express.
Ky vendim vjen midis shqetësimeve të ngritura për lirinë e medias në Turqi. Dhe po ashtu vetëm disa javë pasi Qeveria mbylli 130 gazeta, televizione dhe radio pas puçit të dështuar të muajit që shkoi, citohet Express. (b.an)
