Gjykata speciale për krimet e luftës në Kosovë do ta ketë selinë e saj në Hagë.
Lajmi u bë i ditur nga Ministria e Jashtme e Britanisë së Madhe , gjatë reagimit përshëndetës së saj pas votimi të kuvendit të Kosovës.
Ministri për Europën David Lidington shprehet:
“Kuvendi i Kosovës ka votuar ligjet për krijimin e Gjykatës Speciale për të hetuar pretendimet për krimet e luftës nga konflikti i vitit 1999. Kosova është pajtuar për krijimin e një gjykate speciale në Hagë për t’i dëgjuar këto pretendime. BE-ja do të ofrojë fondet.
Kurse Shefja për Politikë të Jashtme të Bashkimit Evropian, Federica Mogherini e kosnideroi një hap jetik.
“Duke kuptuar që ky hap i deputetëve të Kuvendit të Kosovës nuk ishte i lehtë, ai është shenjë e përgjegjësisë dhe vendosmërisë për të nxjerrë të vërtetën dhe për të marrë vendime që janë në harmoni me rrugën evropiane të Kosovës”
Vendimin e Kuvendit të Kosovës e përshëndetën edhe Ambasada e SHBA dhe ajo e BE në PRishtinë.
Përmes një deklarate të përbashkët theksohet se “Ky ishte një hap i rëndësishëm në rrugën Euro-Atlantike të Kosovës.
Me këtë vendim, Qeveria e Kosovës dhe Kuvendi kanë demonstruar përkushtimin e tyre për sundimin e ligjit dhe për respektimin e marrëveshjeve ndërkombëtare”, raporton ORA NEWS.
SHBA dhe BE theksojnë se vetëm “Duke u ballafaquar me të kaluarën e saj dhe duke siguruar drejtësi për viktimat, Kosova mund të arrijë pajtimin dhe të ndërtojë të ardhme më të mirë” Ndërkaq presidentja e Kosovës Atifete Jahjaga përmes një postimi në Twitter theksoi se “Vota për Gjykatën Speciale tregon se Kosova e ka seriozisht sundimin e ligjit dhe është serioze në raporton me drejtësinë”
