Në përfundim të seancës gjyqësore, Arban Ristani ka informuar mediat se çështja për lobimin rus u pushua nga Gjykata.
Ai u shpreh se Partia Demokratik i kishte siguruar paratënga buxheti i saj dhe se Prokuroria nuk kishte asnjë fakt për akuzat e ngritura.
“Gjykata vendosi të pushojë çështjen, pasi nuk ka fakte. PD ka vepruar në respekt të ligjit”, tha Arben Ristani.
Lulzim Basha, u mor i pandehur në gjykatën e Tiranës përballë Prokurorisë, për lobimin 675 mijë dollarë në Shtetet e Bashkuara të Amerikës përmes kompanisë offshore Biniata Trade, për zgjedhjet parlamentare të vitit 2017. Në bankën e akuzës janë edhe ish-sekretari i Përgjithshëm të PD Arben Ristani dhe financieri i kësaj force politike Ilir Dervishi.
Tre personat akuzoheshin për “Falsifikim të dokumenteve dhe formularëve”, pasi nuk kanë bërë deklarimin e shumës në pasqyrat financiare të Partisë Demokratike pranë Komisionit Qendror të Zgjedhjeve. Ndërsa hetimet për “Pastrim të produkteve të veprës penale” u pushuan.
