Gjykata e Tiranës ka regjistruar kërkesën e bërë një ditë më parë nga Komisioni i Rithemelimit në Partinë Demokratike për statutin e miratuar në Kuvendin e jashtëzakonshëm të 11 Dhjetorit.
Sakaq, gjyqtari që do të shqyrtojë çështjen pas hedhjes së shortit është caktuar gjyqtari Agron Zhugri.
Ndryshimet statutore i hapin rrugë primareve brenda partisë, me qëllim fuqizimin e anëtarësisë. Në statut sanksionohet legalizimi i fraksioneve, si dhe përcaktohet largimi i kryetarit në rast të humbjes së zgjedhjeve të përgjithshme, ndërsa kur kryetari i partisë humb zgjedhjet lokale ai ka të drejtë të votëbesohet.
Por në Gjykatën e Tiranës, megjithëse 5 muaj me vonesë, pak ditë më parë Partia Demokratike depozitoi kërkesën për regjistrimin e ndryshimeve statutore të bëra në Kuvendin e 17 Korrikut.
/a.r
