Ishte kërkesa e 70 vjeçarit Riformato drejtuar gjykatës shqiptare për të transferuar dënimin e tij në burgjet italian. Sipas Riformatos ai duke qëndruar në burgjet shqiptare kishte humbur kontaktet me familjarët nga pa mundësia e tyre ekonomike për ta vizituar në Shqipëri. Kjo kërkesë është miratuar këtë të enjte nga gjykata e krimeve të rënda dhe vendimi për transferimin e tij i ka kaluar ministrisë së drejtësisë.
Me zbardhjen e këtij vendimi pritet që brenda muajit gusht Girgo Riformato të transferohet për të vuajtur dënimin në Itali pasi ky vendim do të marrë formë të prerë për shkak se pëlqimin e ka dhënë dhe prokuroria e cila si palë në proces mund të apelonte.
Me pëlqimin e akuzës ky vendim nuk do të apelohet dhe pas 2 vitesh ku Rifromato erdhi për të trafikuar drogën rikthehet në pranga sërish në vendlindjen e tij. Vetë Riformato nuk e pranoi asnjëherë akuzën për trafik droge por paçka kësaj prokuroria mundi të vërtetojë me prova e fakte përfshirjen e tij në rrjetin ndërkombëtar të trafikut të drogës.
