Një gjykatës në Los Anxhelos refuzoi kërkesën e aktorit amerikan, Brad Pitt që detajet e marrëveshjes së tij me Angelina Jolie për kujdestarinë e përkohshme të fëmijëve të mos jenë në dispozicion të publikut.
Brad Pitt ka kërkuar një seancë dëgjimore të përshpejtuar të mërkurën, në një përpjekje për të “vulosur” dokumentet në rastin e tij, por gjyqtari e refuzoi atë, sipas mediave amerikane.
Ai paraqiti një kërkesë për marrëveshjen në fund të tetorit që ka arritur me Angelina Jolie në kontekstin e procedurave të shkurorëzimit.
Marrëveshja përcakton se aktori amerikan do vizitojë fëmijët vetëm nën mbikëqyrjen e një terapisti. Pit ka ndërmend të kërkojë kujdestarinë e përkohshme, e paraqiti një kërkesë që dokumentet të mos jenë në dispozicion të publikut, për të mbrojtur privatësinë e fëmijëve, tha AP.
Jolie e paraqiti kërkesën për divorc në muajin shtator, duke kërkuar kujdestarinë e vetme, me të drejtën për të vizituar Brad Pitt. Avokatët e saj deklaruan se kërkesat e Pit janë një përpjekje për të mbrojtur veten e tij nga detaje të turpshme, duke shtuar se kërkesa është në kundërshtim me rekomandimin e terapist.
Angelina Jolie dhe Brad Pitt janë martuar në vitin 2014 dhe së bashku ata kanë që nga viti 2004. Çifti ka gjashtë fëmijë, të moshës tetë deri në 15 vjet, tre prej të cilëve janë adoptuar, përgatiti BETA. (b.an)
