Gjykata e Lartë ka zbardhur argumentet e lirimit të ish-guvernatorit Ardian Fullani, i cili ishte nën akuzë për veprën penale të “shpërdorimit të detyrës” për vjedhjen e 713 milionë lekëve në Thesarin e Shtetit.
Sipas Gjykatës së Lartë, Fullanit i është hequr masa e “arrest shtëpie”, pasi nuk paraqet rrezikshmëri. Jo vetëm kaq, por sipas arugmenteve të gjykatës theksohet se ish-guvernatori është njëkohësisht edhe person i respektuar.
“Masa e sigurimit “arrest shtëpie”, e dhënë nga gjykata e Apelit, është e papërshtatshme, pasi nuk i përgjigjet rrezikshmërisë së personit nën hetim, Ardian Fullani, i cili jo vetëm që është një individ i respektuar në komunitetin ku jeton, ku për një përiudhë dhjetëvjeçare ka drejtuar institucionin më të lartë financiar në vend, Bankën e Shqipërisë, pir gjithashtu nuk paraqet ndonjë rrezikshmëri të lartë shoqërore, apo të përbëjë ndonjë rrezik të mundshëm për pengimin dhe prishjen e procesit hetimor në ngarkim të tij, ashtu siç pretendohet nga ana a organit të akuzës”, thuhet në argumentin e Gjykatës së Lartë.
