Gjykata e Kurbinit ka vendosur masën e sigurisë “arrest me burg” për shtetasin Xhevahir Lika, i cili është shoku i 21-vjeçarit Ervis Zyba, që mbeti i vdekur pas një konflikti në një lokal nate në Kurbin.
Sipas prokurorisë, shtetasi Xhevahir Lika ka qëlluar me armë në drejtim të kushërinjve cara që akuzohen për vrasjen.
Lika akuzohet për armëmbajtje pa leje. Ai mendohet të ketë qenë edhe objektivi i kushërinjve Elgert dhe Dorian Cara me të cilët ka pasur konflikt të mëparshëm.
Para togave të zeza ai ka deklarur se ka qëlluar me armë zjarri për vetëmbrojtje, pasi sipas tijë kanë qenë kushërinjtë Cara të parët që kanë qëlluar me armë në drejtim të makines së tij.
Gjykata la në burg edhe 27-vjeçarin Drilon Leka, pasi sipas provave të paraqitura nga organi i akuzes edhe pse ka patur dijeni për rrethanat e ngjarjes ai nuk ka dëshmuar para grupit hetimor si ka ndodhur ngjarja.
Diten e martë pritet të njihen me masën e sigurisë edhe dy kushërinjtë Elgert dhe Dorian Cara të cilët akuzohen për vrasjen e 21-vjeçarit Ervis Zyba ngjarje e ndodhur 5 ditë ma parë një lokal nate në Fushë Milot të Kurbinit.
