Një kolegj penal prej tre gjyqtarësh i Gjykatës së Apelit, të martën ka lënë në fuqi masën e arrestit shtëpiak prej një muaji, ndaj të pandehurit Fisnik Ismajli. Kështu, Apeli ka refuzuar si të pa bazuar ankesën e avokatit mbrojtës kundër aktvendimit të Gjykatës Themelore në Prishtinë, PPKR.nr.496/2015, të datës 01.12.2015. “I pandehuri po dyshohet nga ana e prokurorisë për veprën penale: Mbajte në pronësi, kontroll ose posedim të pa autorizuar të armëve, nga neni 374 i Kodit Penal të Republikës së Kosovës.
Sipas vlerësimit të kësaj gjykate, pretendimet ankimore janë të pa bazuara, ngase prej shkresave të lëndës, respektivisht, prej provave të mbledhura gjerë me tani, rezulton dyshimi i bazuar, se i pandehuri ka kryer veprën penale për të cilën dyshohet, dhe se a do të argumentohen këto fakte, është çështje që do të vërtetohet gjatë fazave të mëtutjeshme procedurale”, raporton Gjykata e Apelit të Kosovës.
