Një rikthim kaubojsish është për ish-deputetin Kujtim Gjuzi, pranimi i ftesës së Berishës për koalicionin “Shqipëria Madhështore”.
Konservatori shqiptar, ka bekuar aleancën e madhe, një Far-Ëest i 26 sherifëve opozitarë përballë Edi Ramës.
Moton e koalicionit për Shqipërinë Madhështore, Kujtim Gjuzin e ka marrë për një projekt të Shqipërisë së Madhe, ndaj dhe nuk ngurron ti japë dekoratën konservatore Sali berishës, si Skënderbeu i Dytë i shqiptarëve.
“Skëndërbeg ll Prof. Dr. Sali Berisha dy herë president, dy herë kryeministër, rikthehet lideri Alban i Shqipërisë së Madhe.”
Në linjën e tij nacionaliste, Gjuzi bën grekun Vangjel Dule, zëdhënësin çam të të të ndjerit Janullatos.
“Vangjel Dule Çami 5 herë deputet, zëdhënës i Kishës Ortodokse Autoqefale Albania.”
Kurse Idrizin, martir të Çamërisë, dhe nip Tirane.
“Shpëtim ldrizi 4 herë Deputet përfaqësues i Çamërisë Martire, nip i Tiranës Autoktone.”
Në listë, Gjuzi thotë se ka 2 aleatë të çertifikuar nga Vatikani, për të bekuar Aleancën e Berishës.
“Prof.Dr. As. Mhill Gecaj student liberator 1990 i laureuar në Selinë e Shenjtë Vatikan. Av. PHD Zef Shtjefni, President për Siguri dhe Paqe në Europë, i çertefikuar nga Cardinali Katolik, princi Odi Afrikës. Deputet me integritet legj. IX.”
Për dy figurat më emblematike të koalicionit, sipas tij, Kostaq Papa, ish-deputeti u uiskit, është një avokat ndërkombëtar me doktoraturë, kurse pensionisti Jenishehri, professor matematike e fizike.
“Avokat ndërkombëtar për Emigracionin. PHD Kostaq Papa, familjar ÇAM i mrekullueshëm. Msc.Selami Jenishehri profesor i matematikë – Fizikë, Deputet legj. IX Nip i Deputetit të Shkodrës, Kadri Jenishehri, Kuvendi Lushnje votoi Tirana kryeqytet 1920.”Me Nard Ndokën, Gjuzi është më pak i kursyer, i vesh petkun e Ministrit të Shëndetësisë.
“Nard Ndoka Kryetari Demokristian tre herë Deputet, Ministër i Shëndetësisë, Qeveria Berisha.”
Republikanit Fatmir Mediu, i kujton Gërdecin, por e amniston me tezën e tij se është viktimë e një plani agjenturash.
“Fatmir Medi Hoxha, republikan pesë herë deputet dy herë ministër kabinete Berisha l – ll
Nën hetim nga rregjimi pse agjenturat dogjën flakë Gërdecin.”
Dhe qershia mbi tortë, vetë Gjuzi, që në këtë koalicion prezantohet si ekonomist, me titull trimërie prej vitit 1985, ambassador paqeje dhe kryekonservator i “Shqipërisë së Madhe’’, pasi është pjellë e një dinastie deputetësh.
“Ekonomist Kujtim Gjuzi, Titulli 1985 “Për Trimëri Civile” Presidenca e Shqipërisë, Ambasador për Paqe, kryekonservator “Albania e Madhe” i zgjedhur me votë Kryetar i Komisionit Ndërtimi Urban, Bashkia Tiranë 2000 – 2008, nipi i Dinastisë, 4 deputetët Gjuzi.”
Me ëndrrën për Shqipërinë e Madhe, lartmadhërisë Kujtim Gjuzi, i mbetet vetëm të kërkojë fronin, ashtu siç e thërriste në parlament edhe kundërshtari i tij, Edi Rama.
