Drejtori i të ashtuquajturës Zyrë për Kosovën në Qeverinë e Serbisë, Marko Gjuriç, ka thënë sot se janë shumë të bindur se problemi i qytetarëve të Kosovës që kanë pasaporta të Serbisë do të zgjidhet së shpejti.
“Është shumë e sigurt, dhe për këtë mund të marr përgjegjësi para qytetarëve, se nuk do t’i lëmë qytetarët në Kosovë e Metohi pa dokumente valide me të cilat mund të udhëtojnë pa viza në BE”, ka thënë Gjuriç për RTS-në, transmeton Koha.net.
Gjuriç ka thënë se delegacioni i Serbisë ia ka bërë të qartë zyrtarëve evropianë se është e papranueshme që qytetarët e Serbisë nga Kosova ta kenë më të vështirë të hyjnë në shtetet e BE-së me pasaporta zyrtare biometrike të Republikës së Serbisë sesa ata qytetarë që hyjnë në Evropë pa asnjë dokument udhëtimi. (b.an)
