Drejtori i Zyrës për Kosovën në Qeverinë e Serbisë, Marko Gjuriç, ka deklaruar se Serbia do të mbrojë ekonomistët dhe ai njëkohësisht i ka porositur zyrtarët e Prishtinës “që të mos e presin degën në të cilën qëndrojnë, sepse në të kundërtën”, ka thënë ai, kjo është në kundërshtim me çdo ide për normalizimin e marrëdhënieve me Beogradin.
Duke reaguar për masat reciproke që Prishtina i ka filluar të mërkurën në mesnatë, Gjuriç gazetarëve në Graçanicë u ka thënë, njofton tanjug, se Serbia nuk beson në zgjidhjen e problemeve me konflikte dhe tensione, transmeton Koha.net. Ai ka shtuar se kjo gjë “nuk u sjell të mira as serbëve dhe as shqiptarëve”.
Pasi ka theksuar “pengimi i tregtisë është shembulli klasik i pengimit të lirisë së qarkullimit”, Gjuriq ka përfunduar se “jemi duke biseduar e bashkëpunuar me institucionet ndërkombëtare dhe po kërkojmë mënyrën më të mirë që t’i përgjigjemi”, ka thënë Gjuriç.
