Pas votëbesimit të Qeverisë Gjukanoviç në muajin janar, e cila kaloi ngushtë më 42 vota pro, nga 41 të nevojshme, kryeministri malazez filloi negociatat me pjesë të opozitës për rikonstruktimin e Qeverisë.
Pas nënshkrimit të marrëveshjes në mes kryeministrit dhe pjesë të opozitës – DEMOS- URA dhe SDP, këto parti të opozitës do të marrin Ministrinë e Financave, Ministrinë e Punëve të Brendshme dhe Ministrinë e Punës dhe Përkujdesjes Sociale. Sipas marrëveshjes, opozitarët propozojnë edhe nënkryetarin e Qeverisë, transmeton Malësia. Sipas gjitha gjasave, edhe partia tjetër opozitare SNP do të mbajnë ministri.
Por roli i partive shqiptare në Qeverinë e ardhshme ende nuk është diskutuar. Deri më tani nuk është përmendur asnjë resurs qeveritar, i cili mund t’u takonte partive nga dy koalicionet shqiptare. Deputetët Genci Nimanbegu (Forca) dhe Nik Gjeloshaj (Alternativa Shqiptare) kishin votuar pro votëbesimit të Qeverisë Gjukanoviq, votat e të cilëve, në fakt ishin shpëtimtare të Qeverisë së Gjukanoviqit. Nga 41 të nevojshme, qeveria fitoi 42 vota, citohet Koha.
Gjeloshaj pas votëbesimit disa herë kishte deklaruar se pret që nga radhët e dy koalicioneve shqiptare t’u takojë Ministria e të Drejtave të Njeriut dhe Pakicave Nacionale . “Krahas pjesëmarrjes në qeveri, kërkojmë zgjedhje në Malësi për komunë në kuadër të kryeqytetit”, kishte deklaruar Gjeloshaj. Megjithatë deri me tani asgjë nuk është bërë në këtë drejtim.
ë zgjedhjet e fundit parlamentare të vitit 2012, dy koalicionet shqiptare “Koalicioni Shqiptar” (PD, ASH, LDMZ) dhe “Forca për Bashkim” (Forca, Iniciativa Qytetare, Perspektiva) kishin nënshkruar marrëveshje-përkrahje për Qeverinë Gjukanoviq. Pas ardhjes në vendin e deputetit të Nik Gjeloshajt në vend të Fatmir Gjekës, edhe përkundër marrëveshjes së koalicionit që ai përfaqëson, Gjeloshaj jozyrtarisht kishte deklaruar se nuk është pjesë e shumicës parlamentare. Megjithatë kjo u vërtetua me votën e tij pro qeverisë në muajin janar. (b.an)
