Në ditën ndërkombëtare të Gjuhës Amtare, gjuhëtarët u mblodhën sërish për të diskutuar mbi ndryshimet dhe sfidat me të cilën përballet Gjuha Shqipe sot. Ata propozojnë që mes Shqipërisë dhe Kosovës të ngrihet një komision i përbashkët për njëhësimin e terminologjisë.
Për studiuesit, Gjuha Shqipe, po përballet me ndotje gjuhësore, pra me përdorimin e panevojshëm të fjalëve të huaja, ndaj një komision i tillë është i nevojshëm për të shërbyer një rregullator përpara këtij realiteti.
Nuk është e para herë që Gjuhëtarët, kanë adresuar kërcënimin e Gjuhës Shqipe, nga globalizmi, përdorimi i rrjeteve sociale, dhe i fjalëve të huaja, duke sjellë në diskutim shpesh herë dhe idenë e një ligji për mbrojtjen e saj.
