Ministrja e Drejtësisë, Etilda Gjonaj, ka prezantuar nismën më të re të institucionit që ajo drejton, Kodin e ri Penal. Në një konferencë për mediat Gjonaj tha se kjo është një iniciativë e re ligjore, e cila hidhet sot për diskutim dhe konsultim në publik.
“Projekti për Kodin e ri Penal do t’i nënshtrohet një diskutimi intensiv në muajt tetor-nëntor, pasi qëllimi është që të kemi një kod modern në përputhje me standardet e BE. Synojmë të kemi një Kod Penal të qëndrueshëm ndër vite”, tha Gjonaj.
Më tej ministrja u shpreh se shumë shpejt nisma do të depozitohet në Kuvend dhe t’i nënshtrohet të gjithë procedurës parlamentare.
“Besoj që ky Kod do të jetë një ndër projektet më të diskutuara për rëndësinë që mbart. Planifikojmë që brenda këtij viti kjo nismë të shkojë në Kuvend si nismë e qeverisë dhe më pas t’i nënshtrohet procedurës parlamentare”, u shpreh Etilda Gjonaj.
/a.r
