Tenisti serb Novak Gjokoviç mbrojti titullin e tij në Masters-in e Romës, pasi mundi në finale numrin dy të Botës, zvicerianin Roger Federer 2: 0 me sete (6: 4, 6: 3).
Numri i parë në botë Gjokoviç ishte në finalen e tij të gjashtë në Romë, ndërsa fitoi titullin e katërt, pasi ka fituar më parë trofeun më 2008, në vitin 2011 dhe 2014. Nga ana tjetër, turneu në Romë është i vetmi turne i madh që Federer nuk ka arritur të fitojë.
Tenistët ishin të sigurt në setin e parë, deri në gemin e nëntë, kur Federer edhe pse kërcënoi, Gjokoviç arriti ta shpëtonte setin dhe e ktheu epërsinë në 5: 4.
Në setin e dytë, lojtari i parë në botë kryesoi deri në 3: 0. Deri në fund të ndeshjes Gjokoviç ka ruajtur avantazhin dhe në një orë e 15 minuta arriti të 22-tën fitore radhazi në Romë.
