Një memo konfidenciale e Drejtoreshës së Përgjithshme e Tatimeve Briseida Shehaj u është nisur ë gjithë drejtorive (Shërbimi i Tatimpaguesve, Vlerësimit i të Ardhurave dhe Kontabilitetit, Kontrolli Tatimor, Ligjore, Menaxhimit të Rriskut, Auditi i Brendshëm, IT, Avokatit të tatimpaguesve), lidhur me një seri probleme të hasura nga Drejtoria e Apelimit Tatimor (DAT). Në këtë memo nënvizohet se: “Lidhur me problemet e hasura nga Drejtoria e Apelimit Tatimor gjatë vitit 2015, gjykoj se duhet të kenë dijeni edhe Drejtoritë e tjera në Drejtorinë e Përgjithshme. Kjo, për t’i shërbyer më mirë përmirësimit të punës së gjithseicilit në sektorin ku punon e drejton”.
Disa nga problemet që janë konstatuar nga Drejtoria e Apelimit Tatimor (DAT), pas ankesave të shumta që kanë pasur nga biznesi kanë qenë kryesisht: Rivlerësim i pasaktë i TVSH-së; detyrime të tatimpaguesve që figurojnë në system, por nuk lidhen me njoftim-vlerësimet përkatëse; gjobave të padrejta për mospaisje me kasë të zyrave të konsulencës, të studiove ligjore e kontabile, të ekspertëve kontabël etj; detyrime të çuditshme ku firma e ndërtimit duhet të paguajë për tatim fitimin e pronarëve të truallit etj.
