“Ndotësi paguan” është një ndër parimet kryesore mbi të cilin bazohet legjislacioni në fushën e mbrojtjes së mjedisit.
Pikërisht në këtë frymë, Parlamenti vendosi të ndryshojë 5 ligje të rëndësishme të cilat shoqërohem edhe me një ashpërsim të sanksioneve ndaj abuzuesve.
“Një nga ndryshimet ka të bëjë me ndryshimet juridike, atë të masave ekzekutive duke ju dhënë atyre titull ekzekutiv sepse kemi vënë re që ekzekutimi i gjobave nuk ka qenë aq efikas” tha ZV. ministrja e Mjedisit dhe Turizmit, Almira Xhembulla.
Ndryshimet përputhen me direktivën e re europiane.
“Ne jemi në linjë edhe me dinamikat e komisionit Europian në këtë fushë”, tha Xhembulla.
Sipas Zv, Ministren rritja me 30 përqind e gjobave do t’i shërbejë një ndërgjegjësimi më të madhe të shoqërisë ndaj çështjeve mjedisore.
“Mbetet ende sfidë ndërgjegjësimi dhe edukimi i të gjithëve, përfshi këtu edhe institucionet publike që shpeshherë nuk e kanë nivelin e kuptuarit për çështje mjedisore aty ku duhet”, tha ajo.
Ndryshimet e reja vijnë me një përcaktim më të saktë të kundra vajtjeve në dëm të mjedisit, dhe me një përcaktim më të saktë të subjekteve juridike të cilët mund të jenë target i sanksioneve ligjore.
/a.r
