Efektivi i Policisë Bashkiake Besmir Karaj, i cili rezultonte të kishte firmosur fletën e gjobës prej 16.3 milionë lekësh ndaj Partisë Demokratike për dëmet e shkaktuara gjatë protestës, ka paditur në Prokurorinë e Tiranës Bashkinë e kryeqytetit.
Karaj u paraqit sot paradite në organin akuzës me një padi ndaj institucionit ku punon, pasi pretendon se i është falsifikuar firma.
Karaj, i cili është djali i kryetarit të Partisë Demokratike të Fushë-Krujës, Sabri Karaj deklaroi se nuk ka qenë fare në punë kur është vendosur gjoba.
“Gjobën e pashë në rrjetet sociale, nuk kam qenë në punë. Blloku i gjobave mu kërkua nga eprori. Shkrimi dhe firma nuk është e imja. Më thanë se gjobën e vunë për shoë mediatik”, ka deklaruar punojënsi i Policisë bashkiake Besmir Karaj.
