Gjykata e Posaçme Kundër Korrupsionit dhe Krimit të Organizuar (GJKKO) ka firmosur 6 vendime për kontrolle personale dhe të automjeteve ndaj anëtarëve të shtabeve elektorale të Partisë Socialdemokrate (PSD), e drejtuar nga Tom Doshi. Masat janë marrë në kuadër të një hetimi për korrupsion në procesin zgjedhor.
Kontrollet janë kryer sot në disa zona të Shkodrës nga forcat e policisë në bashkëpunim me Byronë Kombëtare të Hetimit (BKH). Një nga personat e përfshirë ka refuzuar kontrollin dhe për pasojë është shoqëruar në komisariat.
Javët e fundit Tom Doshi ka hedhur akuza të forta ndaj kryebashkiakut socialist të Shkodrës, Benet Beci. Doshi synon dy mandate deputetësh në Shkodër.
Nuk dihet ende nëse hetimi përfshin emra të tjerë apo pritet zgjerim i veprimeve procedurale në ditët në vijim.
