Zgjedhjet e pjesshme për kryetar bashkie në Dibër, që do të mbahen të dielën, konsiderohen një test i rëndësishëm për palët politike, një vit para zgjedhjeve parlamentare të 2017- s.
Më poshtë vijojnë disa të dhëna për këtë proces zgjedhor:
– 19 subjekte politike janë regjistruar zyrtarisht në KQZ
– Koalicioni i majtë “Aleanca për Shqipërinë Europiane”, i drejtuar nga Partia Socialiste, mbështetet nga 5 parti, ndërsa koalicioni i djathtë “Alenca Popullore për Punë dhe Dinjitet”, i drejtuar nga Partia Demokratike, mbështetet nga 12 parti.
– Kandidatët e regjistruar në këtë gare elektorale janë dy, Muharrem Rama i PS-së, i mbështetur nga LSI dhe kandidati Sherefedin Shehu i PD-se, ish-deputet i saj në këtë zonë zgjedhore.
– Të regjistruar në listat e votuesve figurojnë 57.018.zgjedhës
– Ditën e votimeve do të funksionojnë 118 qendra votimi.
– Bashkia Dibër ka 15 njësi administrative
– Procesi zgjedhor do të administrohet nga nje komision zonal i administrimit zgjedhor (KZAZ)
– Në total janë prodhuar 58.158 fletë votimi
Zgjedhjet e parakohshme për kryetar të bashkisë Dibër erdhën pas vendimit të qeverisë për shkarkimin e ish-kryebashkiakut Shukri Xhelili, për shkak të publikimit në media të disa pamjeve, ku ai kërkonte favore seksuale nga një vajzë e re, në këmbim të një vendi pune. Gjykata Kushtetuese rrëzoi më 1 gusht ankimimin e tij, duke i hapur rrugën zgjedhjeve të parakohshme në këtë bashki të madhe në pjesën verilindore të vendit. /a.m.
