Deputetja e PS-së Mirela Kumbaro reagoi sot në lidhje me vizitën e kreut të Partisë Demokratike, Lulzim Basha në Gjirokastër, i cili sipas saj, nuk paraqiti asnjë ide apo premtim.
Ajo tha ase opozita që e la Gjirokastrën të rrënuar 8 vite më parë, tani kërkon vota.
“Kur dëgjova sot kreun e opozitës tek fliste për Gjirokastrën, me erdhi keq për të qe s’e kishte idenë as si ka qenë Gjirokastra, as si është dhe as nuk e vret mendjen se si do të jetë Gjirokastra në vitet qe vijnë”, tha Kumbaro.
“U përpoqa të kuptoja ndonjë propozim konkret për Gjirokastrën a Përmetin a Tepelenën, dhe në fund të fundit çdo sugjerim apo ide e re është e dobishme, po s’më ngeli gjë në mendje, kështu që e lashë atë muhabet”, tha ajo.
Në vijim Kumbaro shton se mbase vlen më shume të shohim si ishte e si është Gjirokastra.
“Këto pamje janë vetëm pakëz nga Gjirokastra e rrënuar që na lanë peshqesh 8 vite më parë ata që sot kërkojnë vota në emër të ndryshimit dhe nga Gjirokastra për të cilën ne punuam e do të vazhdojmë të punojmë edhe pas 25 prillit. Çdo fjalë tjetër është e tepërt”, shprehet Kumbaro.
/a.r
