Goditet grupi që kryente vjedhje banesash në Dropull, ndërsa në pranga përfunduan dy persona. Burime zyrtare nga policia e Gjirokastrës bënë me dije se Eno Kalemi, 36 vjeç, banues në Sarandë dhe Ardit Izvori, 31 vjeç, banues në fshatin Mollas të Mallakastrës akuzohet se në orët e para të mëngjesit, në bashkëpunim me njeri-tjetrin, kanë vjedhur me thyerje me mjete të forta tre banesa. Pre e grabitjes kanë rënë banesat e shtetasve E.G., E.V dhe J.B., banues në fshatin Bularat.
Në këto banesa kanë vjedhur një televizor si dhe sende të tjera shtëpiake. Po vijon puna në bashkëpunim me Prokurorinë për dokumentimin e disa rasteve të tjera të ndodhura më parë në zonën e Dropullit ku dyshohet se autorët janë dy shtetasit e lartpërmendur. Materialet në ngarkim të këtyre dy shtetasve i kaluan Prokurorisë së Rrethit Gjyqësor Gjirokastër për veprime të mëtejshme.
ma.me
