Ka shkuar në 44 numri i viktimave nga koronavirusi në vendin tonë. Burime për Report Tv bëjnë të ditur se një 68-vjeçar nga Gjirokastra, i cili po trajtohej tek spitali infektiv ka humbur jetën.
Po sipas burimeve bëhet e ditur se pacienti dukej në gjendje të stabilizuar dhe është nxjerrë nga spitali, por teksa po transportohej për në Gjirokastër ka ndërruar jetë. Mësohet po ashtu se 68-vjeçari vuante nga sëmundje të tjera bashkëshoqëruese.
