Arrestohen në flagrancë dy shtetas për “Kultivim të bimëve narkotike “.
Evidentohen dhe asgjesohen 2100 bimë të dyshuara narkotike.
Në vijim të punës për kontrollin e territorit me qëllim parandalimin dhe goditjen e kultivimit të bimëve narkotike, Specialistët e Seksionit të Hetimit dhe Parandalimit të Krimit në Komisariatin e Policisë Gjirokastër, mbi bazën e informacioneve të marra në rrugë operative se në vendin e quajtur ” Manastiri i Drenovës” ,në fshatin “Mingul”, në Njësinë Administrative Lunxhëri, Gjirokastër janë kultivuar bimë narkotike, u be e mundur attestimi në flagrancë i dy shtetasëve:
Gjergji Kapo, 50 vjeç, banues në Gjirokastër.
Redjan Duro , 30 vjeç, banues në Gjirokastër.
Arrestimi i këtyre shtetasve u bë pasi :
Këta shtetas në bashëpunim me njeri – tjetrin, në fshatin “Mingul” , Gjirokastër, kanë kultivuar 2100 bimë narkotike të dyshuara “Cannabis Sattiva”.
Këto bimë u gjetën të mbjella në një parcelë dhe lartësia e tyre varionte nga 5 – 10 cm.
Pas konstatimit të këtyre bimëve, u bë asgjësimi i tyre me anë të djegies.
Materialet proceduriale në ngarkim të këtyre shtetasve i kaluan Prokurorisë së Rrethit Gjyqësor Gjirokastër për veprën penale “Kultivim i bimëve narkotike “, parashikuar nga neni 284/2 i Kodit Penal./a.m.
