Kryetari i partiosë Social Demokrate, Skënder Gjinushi, i kërkon Presidentit Bujar Nishani të shtyjë datën e zhvillimit të zgjedhjeve vendore.
Në një dalje për mediat, Gjinushi akuzon Komisionin Qendror të Zgjedhjeve se, në shkelje të Kushtetutës, është bërë pengesë për regjistrimin e disa kandidatëve të kësaj force politike.
Ai tha se KQZ është e urdhëruar politikisht nga kryeministri Edi Rama. Në këtë kontekst Gjinushi i bëri apel kryeministrit Rama të mos i bëjë partive të tjera, atë që i kanë bërë atij kur ishte në opozitë.
Në mbledhjen e djeshme, KQZ, me kërkesë të Partisë Socialiste dhe Lëvizjes Socialiste për Integrim ka miratuar me 4 vota pro, çrregjistrimin e kandidatëve të Partisë Social Demokrate në Përrenjas, Malësi e Madhe dhe Selinicë, me argumentin se firmat e këtyre, të dorëzuara në KQZ, janë të fallsifikuara.
