Kryetari i Partisë Socialdemokrate Skënder Gjinushi ishte i pranishëm në disa takime elektorale në zonën e Memaliajt, ku kandidon në emër të PSD-së për bashkinë e re Memaliaj, Albert Malaj.
“Duhet të kuptohet se kush thotë nuk ia vlen të votojë më gabon, sepse nuk e ka fajin ai për votën që ka dhënë, por e kanë fajin ata që kanë kqpërdorur votën tuaj. Dhe zgjedhjet ndaj bëhen, për të ndërruar pushtetin. Ne jemi këtu për të kërkuar mbështetjen tuaj për djalin tuaj Albert Malajn, për të garantuar në 4 vitet e ardhshme një kryetar bashkie dinjitoz”, tha Gjinushi.
Kandidati Malaj tha se “Partinë Demokratike dy vjet më parë e larguam nga pushteti me votë, por me keqardhje e pranoj se qindra votues kanë deklaruar ditët e fundit se rilindja e pretenduar nga partia Socialiste ka dështuar. Kemi rritje të papunësisë, kemi krizë ekonomike”.
Malaj kërkon votën e bashkëqytetarëve të tij më 21 qershor për të drejtuar bashkinë e Memaliajt në 4 vitet e ardhshme.
