Skënder Gjinushi e ka mësuar lajmin se presienti Ilir Meta ka kthyer pas emërimin e tij në krye të Akademisë së Shkencave përmes mediave.
Nuk kishte dijeni për këtë fakt, deri në momentin kur gazetarët e Shqiptarja.com e telefonuan për t’i marrë një prononcim.
“Meta vazhdon të nxjerrë dekrete nul“, tha Gjinushi për Shqiptarja.com, duke shtuar se “Meta nëpërmjet dekreteve nul vazhdon të anulojë zgjedhje“.
Skënder Gjinushi u zgjodh kryetari i ri i Akademisë së Shkencave me 35 vota në një garë pa rivalë. Në total votuan 43 akademikë.
Akademiku Artan Fuga dhe Partia Demokratike i cilësuan zgjedhjet farsë. Gjinushi u zotua se do ta mbaj larg politikën nga akademia dhe se do ta reformojë atë.
g.kosovari
