Një grua jordaneze ka thënë se mjeku e ka operuar kur lindi fëmijën me prerje cezariane, por ai ka harruar në barkun e saj një telefon celular.
36-vjeçarja Hanan Mahmud Abdul Karim u shtrua në një spital në Aman në prill të këtij viti për të lindur fëmijën e saj. Fëmija erdhi në jetë pasi gjinekologu kreu një operacion.
Lajmi raportohet nga GulfNews ndërsa pas kësaj ngjarje gruaja është shprehur se ka pasur shumë dhimbje, sidomos kur telefoni dridhej nga vibrimi. Ajo nuk e ka ditur se brenda saj ndodhej një celular ndaj është dërguar sërish në spital për vizitë. Përmes rrezeve X është zbuluar prania e një aparati celular në barkun e saj.
Rasti iu çua Parlamentit Jordanez për ta hetuar.
