Gjin Gjoni tërheq sërish vëmendjen. Një prej gjyqtarëve më të përfolur në Shqipëri dhe i akuzuar publikisht për korrupsion, zgjidhet president i Rrjeti Ballkanik dhe Euro-Mesdhetar i Këshillave Gjyqësorë.
Rrjeti Ballkanik dhe Euro-Mesdhetar i Këshillave Gjyqësorë, i krijuar në vitin 2006, ka në përbërje si anëtare me të drejta të plota: Shqipërinë, Bullgarinë, Bosnje-Hercegovinën, Hungarinë, Italinë, Kosovën, Malin e Zi, Moldavinë, Rumaninë, Serbinë dhe Turqinë.
Gjin Gjoni, u shpreh mes të tjerash se Rrjeti Ballkanik dhe Euro-Mesdhetar i Këshillave Gjyqësorë duhet të forcohet për paanshmërinë e gjyqësorit.
“Roli i Rrjetit duhet të forcohet duke qenë në mbrojtje të pavarësisë dhe paanshmërisë së gjyqësorit si garanci për sundimin e ligjit në rajon. Rrjeti duhet të marrë një pozicion pro aktiv në ruajtjen dhe forcimin e statusit të gjyqtarëve dhe prokurorëve, përmirësimin e besimit në gjyqësor, rritjen e efektivitetit dhe efikasitetit të gjyqësorit si dhe forcimin e kapacitetit institucional të këshillave për gjyqësorin në reagim ndaj ndërhyrjeve dhe presioneve të pushtetit ekzekutiv, të mediave, apo nga çdo kah që të vijnë.
Bashkëpunimi i anëtarëve të Rrjetit duhet të përmirësohet edhe në drejtim të forcimit të luftës së përbashkët kundër terrorizmit”, tha ai./a.m.
