Gjin Gjoni gjyqtari i hetuar për fshehje pasurie në afro dy million euro, për të cilin gjykata vendosi pushim çështje rezulton se është në gjendje të vështirë ekonomike.
Në mbledhjen e fundit të Këshillit të Lartë të Drejtësisë më 11 Prill 2016, Gjoni i ankohet Presidentit se administrata e KLD-së nuk i paguan atij dhe anëtarëve të KLD-së dietat për shërbime.
Sipas Gjinit, anëtarëve të KLD-së nuk i njihet e drejta të përfitojnë dieta dhe kjo sipas tij bënë që gjyqtarët të kenë vështirësi ekonomike pasi ata s’kanë mundësi të paguajnë nga xhepi. Në faksimilen e siguruar nga Report Tv të mbledhjes së 11 Prillit, Gjin Gjoni shprehet “zoti President, kam një shqetësim që jo vetëm është shqetësim i imi por ndoshta duhet diskutuar shqetësimi i të gjithë anëtarëve të Këshillit të Lartë të Drejtësisë në lidhje me trajnimet ose me vizitat jashtë shtetit në kuadër të Këshillit të Lartë të Drejtësisë.
Për të pasqyruar dietat e papaguara Gjini prezanton një sërë aktivitetesh ku anëtarët e KLD-s marrin pjesë dhe nuk paguhen “shkon me mision zyrtar pranë një institucioni ndërkombëtar pranë Rrjeteve te Këshillave të Lartë të Drejtësisë të Bashkimit Evropian, takime që bëhen në kuadër të reformës, takime të tjera që bëhen në kuadër të shkëmbimeve ose të binjakëzimeve midis Këshillave të Lartë të Drejtësisë, dhe deri në momentin aktual nuk është zgjidhur ky problem.
Me formatin aktual të KLD-së për cdo mbledhje në Këshillin e Lartë të Drejtësisë 14 anëtarët e tij paguhen 10 mijë lekë në muaj shtesë nga rroga e funksioneve që mbajnë ndërsa bashkuar dhe rrogën e atyre që janë gjyqtar përfshi z.Gjoni të ardhurat shkojnë nga 100 deri në 150 mijë lekë në muaj.
