Pak orë pas lajmit se gjyqtari Gjin Gjoni është propozuar nga demokratët si kandidat për deputet, ka ardhur edhe reagimi i ashpër nga Ambasada e Shteteve të Bashkuara të Amerikës.
Për herë të parë, Yuri Kim ka përdorur fjalën ‘paralajmërim’ në reagimin e saj teksa shprehet se krerët e partive mbajnë përgjegjësi për emrat në listat e zgjedhjeve 2021.
“Paralajmërim: Ndërsa partitë përgatiten për zgjedhje, liderët do të mbajnë përgjegjësi për ata që garojnë nën flamurin e tyre. Ju lutemi vini kandidatët tuaj – mos i fyeni votuesit, mos e dëmtoni demokracinë, mos nxitni korrupsionin” – shkruan Kim.
Sot u raportua se Gjin Gjoni është propozuar nga një grup-seksioni në degën e PD-së në Lezhë që të jetë në listën e kandidatëve për deputetë. Bashkë me gjyqtarin për deputet është propozuar edhe vëllai i tij, Fran Gjoni. Të gjitha grupet-seksionet në degën e PD-së kanë propozuar mbi 125 emra.
Por Partia Demokratike reagoi duke u shprehur se propozimet nuk do të thonë domosdoshmërisht se do të pranohen. Ajo u shpreh se distancohet nga personat e dorëhequr nga sistemi i drejtësisë për shkak të vettingut.
Warning: As parties prepare for elections, leaders will be held accountable for those running under their banner. Please vet your candidates – don’t insult voters, don’t undermine democracy, don’t promote corruption.
— Ambassador Yuri Kim (@USAmbAlbania) July 22, 2020
/a.r
