Greqia do të rikthejë në jetë një nga Shtatë Mrekullitë e Botës Antike.
Gjiganti i Rodit është një projekt ambicioz, që kushton 240 milionë euro. Statuja origjinale e lartë 30 metra e perëndisë Helios, e vendosur në ishullin e Rodit, u shemb në shekullin e tretë. Ajo tani do zëvendësohet nga një strukturë prej 150 metra e lartë, rreth pesë herë më e madhe se origjinali. Këmbët do vendosen në dy kalatat e portit, ashtu siç ishte edhe origjinali, ndërsa në kokë do ketë një fener të madh. Por, ndryshe nga origjinali, statuja do ketë një librari, muze dhe dyqane.
Kolosi i parë u ndërtua pas shitjes së pajisjeve ushtarake të braktisura pas një rrethimi të dështuar të qytetit. Këtë herë nxitja është një projekt për turizmin.
Zoti i Diellit do të jetë i veshur nga panele diellore, që do furnizojnë farin në fenerin e kokës, që do mund të shihet deri në brigjet turke, në një largësi prej 35 miljesh.
“Nuk duam të bëjmë një imitim të Gjigantit të lashtë. Duam të ringjallim simbolizmin e tij, duke e bërë një emblemë të globalizmit”, thotë arkitekti Aris A. Pallas.
