Ministria e Zhvillimit Urban organizoi sot në ambientet e hotel “Tirana International” në Tiranë, takimin përmbyllës për konsultimin e draftligjit për Strehimin Social me përfaqësuesit e Bashkive Tiranë dhe Durrës, të programit PNUD si dhe përfaqësues të shoqërisë civile.

Ministrja e Zhvillimit Urban, Eglantina Gjermeni, u shpreh se projektligji i ri pasqyron ndryshime gjithëpërfshirëse, të cilat i vijnë në ndihmë shtresa në nevojë për çështjen e strehimit. Gjermeni deklaroi se synimi kryesor i këtij projektligji është strehimi i atyre që kanë nevojë.

Ajo bëri me dije se do të bëhet një studim në bashkëpunim me PNUD për të parë ku janë edhe nevojat më të mëdha. Sipas saj, projektligji i përgjigjet nevojave për strehim, duke shtuar se drafti do të kalojë në parlament këtë vit. Takimi vijoi me diskutime të përfaqësuesve të shoqërisë civile, të cilet i përshendeten ndryshimet që i japin zgjidhje optimale strehimit për kategoritë në nevojë.  ma.me