Apartamentet e katër besimtarëve myslimanë, të dyshuar se kanë spiunuar në Gjermani dhe mbështetës të predikuesit Gylen për llogari të regjimit të presidentit turk, u kontrolluan ditën e sotme, sipas Prokurorisë Federale gjermane.
“Asnjë person nuk është marrë ende në pyetje”, saktësoi Frauke Kohler, zëdhënës i Prokurorisë Federale gjatë një interviste të shkurtër për median.
”Këta persona janë të dyshuar se kanë mbledhur informacione në lidhje me mbështetësit e lëvizjes Gylen dhe se i kanë raportuar në Konsullatën e Përgjithshme turke në Këln”, sipas një deklarate të prokurorisë.
Asnjë indicie për identitetin apo kombësinë e tyre nuk është paraqitur.
Sipas publikimeve online të medias “Spiegel”, bëhet fjalë për imamë të Ditibit, organizata kryesore e komunitetit mysliman turk në Gjermani e kontrolluar drejtpërdrejtë nga Ankaraja./a.m.
