Gjermania ka nisur kthimin e azilkërkuesve. Plot 155 persona janë rikthyer në Kosovë ditën e sotme, pasi kishin tentuar të përfitonin azil ekonomik në shtetin gjerman.
Mësohet se 155 personat e kthyer u janë dorëzuar autoriteteve kosovare në aeroportin e Prishtinës “Adem Jashari”.
Ky është deportimi i dytë brenda 24 orëve nga pala gjermane. Një ditë më parë nga Gjermania u kthyen edhe 121 kosovarë të tjerë që kishin tentuar të përfitonin azil.
