Një 25-vjeçar shqiptar është vrarë në Gjermani. Lajmin e bën të ditur gazeta BILD.
Sipas gazetës, krimi horror ka ndodhur përpara një klubi nate.
BILD raporton më tej se 25-vjeçari nga Shqipëria po vizitonte një të afërmin e tij në qytetin e Këlnit.
Shkaku i vdekjes nuk është përcaktuar akoma. Prokuroria tha se ai është qëlluar me një objekt të mprehtë.
Dëshmitarët e gjetën shqiptarin në një pellg gjaku. Ekipet e shpëtimit nuk mundën ta ndihmonin.
Dyshohet se shqiptari është vrarë pas një sherri me një person tjetër.
Një dëshmitar tha për BILD: “Ata fillimisht u zunë brenda, më pas dolën jashtë. Aty pashë që njëri u shemb në tokë”. NOA
