Një ngjarje e rëndë ka ndodhur në strehimin e azilkërkuesëve në Essen të Gjermanisë.
Një shqiptare 24-vjeçare është përdhunuar.
Anëtarët e trupit gjykues kanë qenë të sigurt në një pikë: i gjykuari në fjalë, një njeri me familje dhe me fëmijë e ka shfrytëzuar gjendjen e dehur të shqiptares 24 vjeçare për ta përdhunuar atë me gjakftohtësi. Kjo ngjarje ka ndodhur më 23 gusht 2015.
Fillimisht ata të dy ishin marrë vesh që të shkonin së bashku në “Blind-Date-Festival” në Gelsenkirchen. Gjatë udhëtimit, Selina ( pseodonim i shqiptares) bashkë me një kujdestare tjetër të “heim”-it kishte filluar të pinte vodka, ndërkohë që me ta ishte dhe kujdestari. Ajo kuptohej mirë me kujdestaren me të cilën më vonë është martuar, (martesë brenda gjinisë së njëjtë), raporton “Panorama”.
Mirëpo vazhdimi i asaj nate ishte i tmerrshëm për shqiptaren. Kujdestari në vend që ta kthente në shtëpinë e azilit, ashtu siç ishin marrë vesh, ai e dërgoi atë në banesën e tij. Selinës nuk i kujtohen të gjitha detajet e asaj se çfarë ka ndodhur atë natë.
Por, përfundimi i trupit gjykues është i prerë: “I akuzuari ka shfrytëzuar paaftësinë e gruas për të rezistuar dhe ka kryer marrëdhënie seksuale me të”. Ndërsa nga ana tjetër nuk dihen detajet se si ka vepruar kujdestarja qe ishte e pranishme me të gjatë partit.
