Ambasada gjermane në Ankara dhe konsullata e përgjithshme në Stamboll janë mbyllur për shkak të një paralajmërimi për sulm terrorist, ka thënë Ministria e Jashtme. Shkollat gjermane në Stamboll gjithashtu janë mbyllur, tha ministria.
Mbylljet e konsullatës dhe shkollave janë bërë pas një paralajmërimi që ishte “jo i verifikuar përfundimisht”, sipas një e-mail dërguar nga konsullata gjermane për qytetarët e saj, njoftoi DPA. E-mail shkruante se objektet do të mbyllen të enjten si një masë paraprake për të qenë të gatshëm për cdo lloj situate që mund të paraqitet. Konsullata gjermane është afër sheshit Taksim, një pikë turistike në Stamboll.
Më herët, të enjten, Partia e Punëtorëve të Kurdistanit (PKK) ka marrë përgjegjësinë për sulmin vdekjeprurës në Ankara që vrau 37 vetë dhe plagosi dhjetra të tjerë. Shpërthimi të dielën u shkaktua nga një “automjet i mbushur me lëndë shpërthyese”, sipas zyrës së guvernatorit në Ankara.
Sulmi është hakmarrje kundër autoriteteve turke për operacionin e saj ushtarak në juglindje të vendit”, sipas grupit. Panorama
