Korçë/ Kandidati i PD për bashkinë e Korçës, Gjergji Mero, ka thënë sot në një deklatatë për media se bashkia nuk ka hedhur asnjë fond për Teatrin.
Duke mbështetur artistët, mero tha se Filo dhe Peleshi duhet të investojnë seriozisht për artin dhe të lënë mënjanë show. Nga ana tjetër, Mero tha se ai ka një projekt ambicioz për Teatrin.
“Jemi këtu para Teatrit, për të dëshmuar një premtim të parealizuar të Bashkisë dhe kryetarit Filo e shefit të tij qeveritar Peleshi që nuk bënë asnjë investim për tetë vite.
Përballë Teatrit është Kulla që i bën karshillëk, kur lekët e saj duhet të investoheshin tek ky Teatër. Ky është institucioni më i rëndësishëm dhe më përfaqësues i artit të Korçës, ku çdo gjë është lënë pas dore me shpërfillje dhe heshtje tejet të gjatë. Me nisjen e fushatës, pushteti lokal na ofron një projekt të sajuar politik për t’iu imponuar komunitetit artistik se, vëmendja po kthehet tek ata. Brenda terreni i rrënuar dhe pa asnjë standard teknik dëshmon më së miri pa patur nevojë për komente.
Artistët që kanë aktruar dhe aktrojnë këtu janë krenaria e artit jo vetëm e Korçës, por dhe e Shqipërisë, që për fat të keq duhet të bëjnë art në kushte absurdi. Sot i bëjmë thirrje kryetarit të Bashkisë Filo dhe shefit të tij qeveritar të mos bëjë më propagandë e shoë me Teatrin dhe aktorët, kur e vetmja arritje janë emocionet e aktrimit dhe duatrokitjet e pakursyera të publikut korçar.
Unë kam një projekt ambicioz për investime në Teatër të cilat do të jenë vendimet e para të Këshillit Bashkiak. Politikat e artit dhe të kulturës janë prioritare në programin e Bashkisë së re”, tha kandidati Mero.
