Një 63-vjeçar është arrestuar në flagrancë në Bulqizë, pasi dyshohet se është autori i kultivimit të një parcele me kanabis në fshatin Golovisht.
Policia e Shtetit bën me dije se parcela është gjetur në një zonë të pyllëzuar në fshatin Golovisht. Pas mbledhjes së provave dhe zbulimit se parcela ishte në pronësi të 63-vjeçarit me inicialet H.L., policia ka bërë asgjësimin e lëndës narkotike.
Materialet në ngarkim të 63-vjeçarit i kaluan prokurorisë për veprime të mëtejshme. është bërë asgjësimi i lëndës narkotike.
NJOFTIMI I PLOTË I POLICISË:
Bulqizë
Vijon kontrolli masiv i territorit, për parandalimin, evidentimin dhe goditjen e veprimtarisë kriminale në fushën e kultivimit të bimëve narkotike.
Asgjësohen bimë të dyshuara narkotike cannabis sativa, arrestohet në flagrancë autori i dyshuar i kultivimit të tyre.
Në vijim të punës për parandalimin, evidentimin dhe goditjen e veprimtarisë kriminale të kultivimit të bimëve narkotike, shërbimet e Komisariatit të Policisë Bulqizë, në bashkëpunim me strukturat e DVP Dibër, kanë vijuar kontrollet e imtësishme të territorit.
Si rezultat, në një zonë të pyllëzuar, në fshatin Golovisht, njësia Administrative Gjoricë janë gjetur të kultivuara disa bimë të dyshuara narkotike canabis sativa, të cilat u asgjësuan me anë të djegies.
Nga kryerja e veprimeve hetimore dyshohet se autori i kësaj veprimtarie kriminale është shtetasi H. L., 63 vjeç, banues në Bulqizë, i cili është arrestuar në flagrancë.
g.kosovari
